Sumqayıtda narkotik alverçiləri həbs edildi

Sumqayıt şəhərində narkotiklərlə bağlı xüsusi əməliyyat keçirilib.

Teleqraf.com xəbər verir ki, Sumqayıt Şəhər Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş Arif Əhmədov həbs edilib.

Arif Əhmədovdan 507,12 qram heroin və 3 kiloqram 105 qram marixuana götürülüb.

Oxşar əməliyyat şəhərin Corat qəsəbəsində də keçirilib. Polis əməkdaşlarının həyata keçirdikləri əməliyyat-axtarış tədbirləri nəticəsində Corat qəsəbə sakini, əvvəllər məhkum olunmuş Xandadaş Mirzəyevdən 10,21 qram heroin götürülüb. Onun evinə baxış zamanı isə 652 qram heroin aşkar edilib.

Hər iki faktla bağlı cinayət işi başlanıb.

Hacı Zeynalov