Bakıda əri ilə dalaşan qadın azyaşlı uşağı ilə evdən qaçdı

Bakının Sabunçu rayonunda ana və azyaşlı uşağı itkin düşüb.

Teleqraf.com xəbər verir ki, Sabunçu qəsəbəsi, Anaşkin küçəsində nömrəsiz evdə yaşayan 1979-cu il təvəllüdlü Lalə Rəcəbova və azyaşlı övladı, 2013-cü il təvəllüdlü Hüseyn Rəcəbov yoxa çıxıblar.

Ana və övladı aprelin 14-də, saat 18.00-da evdən çıxıb və bir daha onlardan xəbər tutulmayıb. Lalə Rəcəbovanın həyat yoldaşı Vüqar Rəcəbov itkin düşmə faktı ilə bağlı Sabunçu Rayon Polis İdarəsinin 12-ci polis bölməsinə məlumat verib.

12-ci polis bölməsindən Teleqraf.com-a bildiriblər ki, Lalə Rəcəbovanın azyaşlı övladı ilə birlikdə itkin düşməsi ilə bağlı aprelin 20-də bölməyə məlumat daxil olub. Hazırda ana və övladının tapılması üçün tədbirlər görülür.

Lalə Rəcəbovanın aprelin 14-də gündüz saatlarında həyat yoldaşı ilə mübahisə etdiyi iddia olunur. O, həyat yoldaşı ilə mübahisə edəndən sonra azyaşlı övladını da götürərək evdən gedib.

Hacı Zeynalov