“Oğlan evi 2”-nin treyleri yayımlandı

“Oğlan evi 2” komediya filminin treyleri yayımlanıb.

Teleqraf.com xəbər verir ki, filmdə rolları Elcan Rəsulov, "Bozbash Pictures" serialından tanıdığımız aktyor Nicat Rəhimov və videobloger Hüseyn Əzizoğlu canlandıracaq. Bundan başqa, aktyorlar Elşən Hacıbabayev və Qurban Məsimov da filmdə rol alıblar.

Filmin quruluşçu rejissoru İlham Qasımov, operatoru Nadir Mehdiyevdir.

Filmdə əsas hadisələr ilk hissədə ən çox yadda qalan Baba obrazının ətrafında cərayan edəcək. Bu dəfə qəhramanlar maşın alverçilərinin fırıldağının qurbanı olacaqlar.

Ekran əsəri dekabrın 1-dən ölkənin bütün kinoteatrlarında nümayiş olunacaq.