Brilyantın əri: “Artıq evə buraxılıb”

Səhhətində yaranan problemlərə görə bir neçə gün öncə Türkiyədəki özəl klinikaların birinə müraciət edən xalq artisti Brilyant Dadaşova evə buraxılıb.

Teleqraf.com xəbər verir ki, bu barədə müğənninin həyat yoldaşı, Səməd Vurğun adına Rus Dram Teatrının direktoru Ədalət Hacıyev məlumat verib. O, bildirib ki, xalq artisti özünü yaxşı hiss etməyə başlayıb:

“Brilyant xanım sadəcə İstanbulda yağışa düşüb. Onun nəticəsində də soyuqlayıb, qızdırıb. Buna görə onu Türkiyədə özəl xəstəxanaya aparıblar. Artıq evə buraxılıb. Özünü yaxşı hiss edir. Amma buna baxmayaraq, həkim nəzarəti altındadır”.