Məşhur azərbaycanlı rəssama Moskvada yubiley keçiriləcək

Məşhur Azərbaycan rəssamı Abbas Kazımovun 60 illik yubileyi Moskvada qeyd olunacaq.

Teleqraf.com Rusiya mətbuatına istinadən xəbər verir ki, yubiley münasibəti ilə rəssamın Moskvada sərgisi açılacaq. Sərgidə 100-ə yaxın əsər nümayiş olunacaq.

İyun ayının 2-də başlayan sərgi iyunun 19-na kimi davam edəcək.

Bu, Abbas Kazımovun Moskvada birinci sərgisi deyil. 1956-cı ildə Bakıda anadan olan Abbas Kazımov Ə.Əzimzadə adına Bakı Rəssamlıq Məktəbini, daha sonra M.Əliyev adına Azərbaycan Dövlət İncəsənət İnstitutunu bitirib. 1979-cu ildən etibarən həm ölkəmizdə, həm də onun hüdudlarından kənarda bir çox rəsm sərgilərində iştirak edib.

Fərdi sərgiləri Moskva, Vaşinqton və Kannda təşkil olunan rəssam Azərbaycan Rəssamlar İttifaqının və Rusiya Rəssamlarının Yaradıcılıq İttifaqının üzvüdür.

Nərmin