Vladimir Biryukov: Azərbaycan hər bir tədbirə yüksək səviyyədə ev sahibliyi edir

Azərbaycanın ev sahibliyi ilə keçirilən hər bir tədbir, əlbəttə ki, onun yüksək səviyyədə olacağından xəbər verir.

Bu sözləri AZƏRTAC-ın müxbirinə müsahibəsində Ukraynanın bu mötəbər yarışmadakı nümayəndə heyətinin üzvü Vladimir Biryukov deyib.

Birinci Avropa Oyunları zamanı ölkəmizə gələn idmançıları, turistləri və qonaqları Bakıdan zövq almağa çağıran idmançı bu yarışmanın Azərbaycanda yüksək səviyyədə təşkil olunacağına əminliyini bildirib.

O, “Eurovision” mahnı müsabiqəsinin təşkili zamanı Azərbaycanın öz bacarığını sübut etdiyini və Bakıya gələn qonaqların bunu qiymətləndirdiyini xüsusi vurğulayıb. Ölkəmizin böyük idman bayramının astanasında olduğunu söyləyən Vladimir Biryukov deyib: Bütün Avropa yenidən sizin ölkənizə qonaq gələcək. Gözəl və tarixi Bakını görəcəklər. Birinci Avropa Oyunlarının təşkilatçılarına uğurlar və gözəl nəticələr arzu edirəm.

“Bakı “Eurovision-2012” müsabiqəsini mükəmməl şəkildə qəbul etdi. Ölkənizi çox sevdim, insanların qonaqpərvərliyi hər kəs kimi, məndə də xoş təəssüratlar oyatdı. Baku Kristal Hall rekord qısa müddət ərzində tikildi. Şəhərinizə daxil olan kimi təəccüblənməyə başladıq. Sizin ölkənizdə keçirilən hər bir möhtəşəm layihə yüksək mədəni əlaqələrin bünövrəsini qoyur” – deyə V.Biryukov qeyd edib.