ABŞ-da gey kluba hücum

ABŞ-ın Florida ştatı Orlando şəhərində geylərə xidmət göstərən gecə klubunda atışma baş verib.

Teleqraf.com BBC-yə istinadən xəbər verir ki, hücum edən Pulse adlı gey klubunda atəş açıb, nəticədə xeyli sayda yaralı var.

Orlando polisi camaata hadisə yerindən uzaq durmaq barədə xəbərdarlıq edib.

Bəzi qeyri-rəsmi məlumatlara görə, hücum edən hələ də içəridədir və deyilənə görə, girov götürüb.
Sosial mediada paylaşılan videoda hadisə yerində onlarla təcili tibbi yardım maşını və səkidə insanlara yardım göstərildiyi görünür.

Klubda olmuş bir nəfər içəridə atəşin təxminən yerli vaxtla saat 02:00-də (10:00 Bakı vaxtı ilə) açıldığını bildirib.