Səudiyyə pula görə şəriətdən imtina edir – İnanılmaz

Səudiyyə Ərəbistanı Qırmızı dəniz sahillərində xüsusi turizm bölgəsi açmağı planlaşdırır.

Teleqraf.com xarici mediaya istinadla xəbər verir ki, planlara görə, bölgədə qadınların niqab taxması, eləcə də qadın və kişilərin ayrı-ayrı yerlərdə çimməsi öhdəlikləri olmayacaq.

Məlumata görə, layihənin icrasını vəliəhd Məhəmməd ibn Salmanın rəhbərlik etdiyi Səudiyyə Ərəbistanı Dövlət İnvestisiya Fondu üzərinə götürüb.

2030-cu ildə istifadəyə veriləcək turizm bölgəsindən ildə 15 milyard dollar gəlir əldə ediləcəyi, 35 min insana xidmət göstəriləcəyi bildirilib. Bölgə 200 kilometrlik ərazini əhatə edəcək.