Fələstində qarşıdurma: 18 nəfər yaralandı

Qərbi Şerianın Nablus şəhərində İsrail hərbçiləri ilə fələstinli aktivistlər arasında qarşıdurma yaranıb.

Teleqraf.com xəbər verir ki, qarşıdurmada 18 fələstinli yaralanıb.

Fələstin Qızıl Aypara Təşkilatı tərəfindən verilən açıqlamada qeyd edilib ki, sübh vaxtı bir qrup yəhudi dini ayinlər həyata keçirmək üçün “Yusif türbəsi” nə basqın düzənləyib. Bu zaman fələstinlilərlə İsrail əsgərləri arasında qarşıdurma yaranıb.

Nəticədə 18 nəfər yaralanıb, 2 nəfər isə həbs edilib.

Qeyd edək ki, Nablus şəhərinin şərqində yerləşən “Yusif türbəsi” yəhudilər tərəfindən müqəddəs məkan kimi qəbul olunur. Yəhudilər Həzrəti Yusifin sümüklərinin Misirdən gətirilərək burada dəfn edildiyinə inanır.

Fələstinlilər isə türbənin bir neçə yüz il yaşı olduğunu, buranın Həzrəti Yusifə deyil, Yusif Duveykat adlı alimə məxsus olduğunu bildirir.