İrandan ABŞ-a əzələ nümayişi: “Kövsər” təqdim olundu

İran paytaxt Tehranda keçirilən hərbi sərgidə yerli istehsal olan “Kövsər” qırıcısını nümayiş etdirib.

Teleqraf.com İran mətbuatına istinadla xəbər verir ki, prezident Həsən Ruhani ilk reaktiv təyyarənin nümayişi zamanı çıxışında ABŞ-a mesaj göndərib:

“Bəziləri hərbi gücümüz artanda müharibə istədiyimizlə bağlı nəticə çıxarır. Amma bu, əslində sülh axtarışıdır, çünki biz müharibə istəmirik”.

Onun fikrincə, ABŞ dünyada etibarsız dövlətdir: “ABŞ İrana hücumun nəticəsinin onlara çox baha başa gələcəyini yaxşı bilir”.

Türkiyə və Pakistanla müdafiə sahəsində işbirliyinin mümkünlüyünə toxunan Həsən Ruhani üç ölkənin birgə döyüş təyyarələrinin istehsal edə biləcəyini deyib.