Putin ilk dəfə razılaşdı: “Mənə elə gəlir, Tramp haqlıdır...”

Vladimir Putin Donald Trampın fikirləri ilə razılaşdığını bildirib.

Teleqraf.com xəbər verir ki, “Rusiya Energetika” həftəsi çərçivəsində çıxış edən Kreml rəhbəri Trampın neftin qiyməti haqda fikirləri ilə razılaşdığını deyib:

“Tramp fikirləşir ki, qiymətlər çox bahadır. Mənə elə gəlir ki, o haqlıdır. Bizi neftin 65-75 dollar arasında olması qane edir. Bu energetika işini aparmağa və investisiya cəlb etməyə imkan verir”.

Putin həmçinin Ağ Ev rəhbəri ilə Helsinki görüşündən də danışıb:

“Helsinkidə bizim yaxşı görüşümüz oldu. Əgər biz onunla bugünkü məsələni müzakirə etsəydik və neftin qiymətinin bu dərəcədə qalxmasının günahkarını axtarsaydıq, o zaman mən Trampa deyəcəkdim: Sənə güzgüyə baxmaq lazımdır”.