ABŞ-ın iki hərbi təyyarəsi toqquşdu

ABŞ Dəniz Donanmasına məxsus iki hərbi təyyarə Yaponiya hava məkanında toqquşub.

Teleqraf.com xəbər verir ki, faktı Dəniz Piyadaları Komandanlığı təsdiq edib.

Komandanlıqdan verilən açıqlamada qeyd edilib ki, KC-130 təyyarəsi ilə F/A-18 model hərbi təyyarə təlim zamanı toqquşub və hər iki təyyarə yerə çırpılıb.

Yaponiya Sahil Təhlükəsizlik Qüvvələrinə məxsus qruplar qəza nəticəsində yaralanan pilotu xilas edə bilib.