16 İyul 15:52
235

Qvineya körfəzinin Nigeriya sahillərində “Paksoy-1” adlı türk gəmisi dəniz quldurlarının hücumuna məruz qalıb.

Teleqraf.com xəbər verir ki, gəmidəki heyətin 10 üzvü əsir alınıb.

Məlumatda qeyd edilir ki, gəminin personalı türkdür və hadisə iyulun 13-də baş verib. Gəmiyə hücum zamanı yaralanma və ölüm faktı qeydə alınmayıb.

Hazırda gəmi personalının azad buraxılması üçün danışıqlar aparılır. O da aydın olub ki, yük gəmisi boş vəziyyətdə dəniz quldurları tərəfindən götürülüb.

Gəminin sahibi olan Qədiroğlu Dəniz Şirkəti faktla bağlı açıqlama yayıb. Şirkət personalın azadlığa buraxılması üçün danışıqlar apardığını qeyd edib.


Müəllif: Cavad