Zelenski 11 səfiri geri çağırdı

Ukrayna Prezidenti Vladimir Zelenski islahatlara davam edir.

Teleqraf.com xəbər verir ki, yeni dövlət başçısı 11 səfiri işdən uzaqlaşdırıb.

Bunların arasında Ukraynanın ABŞ-dakı fövqəladə və səlahiyyətli səfiri Valeri Çalıy da var.

Bundan başqa, Mərakeş, Argentina, Paraqvay, Uruqvay, Çili, Ermənistan, İordaniya, CAR, Türkmənistan, Kipr, Vyetnam, Kamboca və bir sıra Afrika ölkələrindəki nümayəndələr də geri çağrılıb.

Sonuncu prezident seçkilərində qələbə qazandıqdan sonra ölkədə kəskin islahatlar keçirən V.Zelenski ilk olaraq Ukrayna Dövlət Təhlükəsizlik Xidmətinin rəisini işdən azad etmişdi. Bundan başqa, Yüksək Rada bir neçə dəfə Xarici İşlər naziri Pavel Klimkinin azad olunması ilə bağlı təklifi səs çoxluğu ilə rədd edib.