Katolik kilsəsinin maşınından narkotik çıxdı

Polis iki italyanı həbs edib

Fransada Vatikana məxsus avtomobildə kokain və marixuana aşkar edilib.

ANS PRESS-in məlumatına görə, Şamberi şəhəri ərazisində gömrükçülər tərəfindən yoxlama vaxtı avtomobildə 4 kiloqram kokain və 200 qram marixuana tapılıb.

Maşında 30 və 40 yaşında iki italiyan vətəndaşı olub.

Polis onların hər ikisini həbs edib.

Həbs olunanlarda diplomatik pasport olmayıb və onların Vatikan administrasiyası ilə əlaqlələrinin olması ilə bağlı heç bir məlumat yoxdur.