O ölkə də Çindən gələn bütün ziyarətçilərə qapını bağladı

Avstraliya öz vətəndaşları istisna olmaqla Çindən gələn hər kəs üçün ərazisinə girişi qadağan edir.

Teleqraf.com xəbər verir ki, bu barədə Avstraliyanın Baş naziri Skott Morrison bildirib:

“Avstraliya vətəndaşları, ölkədə daimi yaşayan şəxslər, öhdəlikdə olanlar, qanuni qəyyumlar və ya həyat yoldaşları istisna olmaqla heç kəsin Çindən ölkəyə girişinə icazə verilməyəcək”.

O əlavə edib ki, Çindən gələnlərin hamısı 14 günlük karantin rejimində təcrid olunmuş vəziyyətdə olacaqlar.

Bundan əvvəl Çin xarici işlər naziri Van İ yeni koronavirus səbəbindən Çin Xalq Rerpublikasının nəqliyyat blokadasına alınmasının yolverilməz olduğunu açıqlamışdı.