Yaponiyada yük gəmisi batdı - Heyət itkin düşdü

Yaponiyanın Aomori prefekturasının sahillərində Beliza bayrağı altında üzən “Guoxıng-1” yük gəmisi batıb.

Teleqraf.com xəbər verir ki, balıqçı gəmisi ilə toqquşan yük gəmisinin 13 nəfər heyət üzvü itkin düşüb. Gəminin bütün heyət üzvlərinin əcnəbilərdən ibarət olduğu qeyd edilir. Onların arasında ÇXR, Vyetnam və Filippin vətəndaşlarının olduğu bildirilir. Yalnız bir nəfəri xilas etmək mümkün olub.

Eyni zamanda, göyərtəsində 15 nəfərin olduğu balıqçı gəmisinin sərbəst şəkildə limana qayıtdığı bildirilir.