Sarkisyan ABŞ-da Qafqazdakı vəziyyəti müzakirə edib

Ermənistanın dövlət başçısı Serj Sarkisyan ABŞ-a işçi səfəri çərçivəsində beynəlxalq münasibətlər sahəsində tanınmış mütəxəssislər Ceyms Kollinz, Ceyms Traub, Stiven Sestanoviç və Val Nasrla görüşüb.

Trend xəbər verir ki, bu barədə Novosti-Armeniya dövlət başçısının mətbuat xidmətinə istinadən məlumat yayıb.

Prezidentin ekspertlərlə görüşü erməni mənşəli Amerika vətəndaşı Aso Tavityanın evində keçirilib.

Ekspertlər prezidentə Cənubi Qafqazda və Yaxın Şərqdə vəziyyət haqqında öz qiymətləndirmələrini təqdim ediblər.