Son dəqiqə: Ankara və Moskva arasında şok anlaşma - Detallar…

“Yeni “S-400” anlaşması üçün Türkiyə ilə danışıqlar davam edir. Rusiya məsələ ilə əlaqədar razılaşma əldə edəcəyinə ümid edir”.

Teleqraf.com xəbər verir ki, bu barədə Rusiya Federal Hərbi-Texniki Əməkdaşlıq Xidmətinin (FSVTS) rəisi Dmitri Şuqayev açıqlama verib.

“Türkiyəyə yeni partiyanın göndərilməsi məsələsi hələ gündəmdədir. Sistemlərin təslim edilməsi tarixi və digər məsələlər ətrafında müzakirə aparırıq. Türkiyə ilə anlaşa biləcəyimizə ümid edirik”, - Şuqayev qeyd edib.

Xidmət rəisi Türkiyənin “S-400” hava hücumundan müdafiə sistemlərinin istehsal proqramında cəlb edilməsi haqda yayılan məlumata da aydınlıq gətirib:

“Müəyyən variantlar çərçivəsində Türkiyənin istehsal prosesinə bəlli bir çərçivədə daxil edilməsi təklif olunur. Əlavə detalları açıqlaya bilmərəm. Yekun qərar verilənədək bu haqda danışmaq istəmirəm”.

Şuqayev Türkiyəyə “Su-35” qırıcılarının satıla biləcəyini də istisna etməyib və bu istiqamətdə danışıqların getdiyini bildirib.