Tiflisdə aksiya: “Komendant saatı”nın ləğvi tələb edilir

Tiflisdə əhali koronavirus pandemiyasının yayılmasının qarşısının alınması məqsədilə keçən ilin noyabr ayından tətbiq olunan "komendant saatı"nın ləğvini tələb edir.

Teleqraf.com xəbər verir ki, aprelin 3-də “komendant saatı”nın ləğvi tələbi ilə əlaqədar Tiflisdə aksiya keçirilir.

Vətəndaş hərəkatları və bəzi müxalifət partiyalarının üzvləri musiqi sədaları altında Filarmoniyadan Parlamentə doğru yürüşə başlayıblar.

Tiflisin mərkəzi Rustaveli prospektində avtomobillərin hərəkəti tam dayanıb. Yürüş iştirakçıları “komendant saatı”nın, eləcə də koronavirusla əlaqədar vətəndaşlara tətbiq olunan cərimələrin ləğvini tələb edirlər.

“Utanc” hərəkatının üzvü Qiqa Makaraşvilinin sözlərinə görə, aksiya iştirakçıları bütün gecəni parlamentin qarşısında qalacaqlar.