İrana böyük şok: Ən böyük hərbi gəmisi əvvəlcə yandı, sonra batdı

İran Hərbi Dəniz Qüvvələrinə məxsus “Hark” adlı donanmanın ən böyük gəmilərindən birinin Oman dənizində batdığı açıqlanıb.

Teleqraf.com xəbər verir ki, hərbi gəminin Hörmüzgan sahillərində yandığı bildirilib.

Təxminən 20 saat davam edən xilasetmə işlərinə baxmayaraq, hərbi gəmi tamamilə batıb.

İran ordusundan verilən açıqlamada gəminin bütün ekipaj üzvlərinin xilas edildiyi deyilsə də, amma yanğının hansı səbəbdən baş verdiyi bildirilməyib.

“Hark”ın 40 ildir İran donanmasının xidmətində olduğu və ən böyük tonajlı gəmi olduğu qeyd edilib.