Fransa və müsəlman ölkəsindən “əzələ” nümayişi: Qırıcılar havaya qaldırıldı

Fransa və Misir Hərbi Hava Qüvvələrinin hərbi təlimləri başa çatıb.

Teleqraf.com xəbər verir ki, bu barədə Misir Silahlı Qüvvələrinin sözçüsü Təmir ər-Rifayi açıqlama verib.

Polkovnik Misirin hava məkanında iki ölkənin hava qüvvələrinə məxsus yüksək səviyyədə təchiz olunmuş təyyarələrin iştirakı ilə həyata keçirilən əməliyyatının bitdiyini deyib.

Rifayi Fransanı “qardaş və dost” olaraq xarakterizə edərək, təlimlərin iki ölkənin orduları arasında artan əməkdaşlıq və qarşılıqlı məlumat mübadiləsinin təmin edilməsi çərçivəsində həyata keçirildiyini söyləyib.

Misir və Fransa arasında son hava təlimlər fevralın 2-də keçirilib.