ABŞ Ukrayna mövzusunda Türkiyə ilə danışıqlara başladı

ABŞ dövlət katibinin müavini Vendi Şerman martın 4-5-də İstanbul və Ankaraya səfər edəcək.

Teleqraf.com xəbər verir ki, bu barədə məlumatı Dövlət Departamenti açıqlayıb.

“Şerman Putinin Ukraynaya qəsdən, səbəbsiz və əsassız müdaxiləsini müzakirə etmək üçün Türkiyə xarici işlər nazirinin müavini Sedat Önal və digər rəsmilərlə görüşəcək”, - məlumatda qeyd edilib.

Görüşlərdə ABŞ-Türkiyə arasında gələcək birgə əməkdaşlıq və Ukraynanın dəstəklənməsində ümumi maraqlar müzakirə olunacaq.

Şerman Türkiyədən sonra İspaniya, Mərakeş, Əlcəzair və Misirə gedəcək.