Lukaşenkodan orduya müharibə xəbərdarlığı

Belarus prezidenti Aleksandr Lukaşenko Dövlət Təhlükəsizlik Şurasının katibi Aleksandr Volfoviçlə görüşü zamanı Rusiya ilə müdafiə zonası yaratdıqlarını və əslində iki ölkənin birgə silahlı qüvvələrinin olduğunu bildirib.

Teleqraf.com xəbər verir ki, Belarus prezidenti cəmiyyətinin özünü necə müdafiə edəcəyini bilməli olduğunu deyib.

"Ukraynada döyüşəcəyimizi deyib bizi günahlandıracağınızı eyham etməyə ehtiyac yoxdur. Vətənimizi qorumalıyıq. Rusiyaya dəstək məsələsinə gəlincə, mən bunu bir daha təsdiq edirəm. Belarus üzərində rus qoşunlarına arxadan, yandan, cinahlardan zərbələr olmamalıdır və olmayacaq. Bu, bizim müttəfiqimiz qarşısında borcumuzdur", - o qeyd edib.

Təhlükəsizlik və hərbi təlimləri sadələşdirməməyi xahiş edən Lukaşenko deyib: “Vəziyyət çox ciddidir. Mən hətta deyərdim ki, təhlükəlidir. Heç nədən qorxmaq lazım deyil”.

Belarus prezidenti ordusunun bəzi hərbi hissələrinin döyüş vaxtı standartlarına uyğun döyüş hazırlığı vəziyyətinə gətirilməsini əmr edib.

Vətən müdafiəsinin gücləndirilməsinə və könüllü xalq milislərinin hazırlanmasına ehtiyac yarandığını, bu silahlı birləşmələrin formalaşma mərhələsində olduğunu bildirən Lukaşenko qüvvələrin necə döyüşçü olması və hansı silahlara malik olması ilə bağlı tədbirlər görülməsini xahiş edib.