Malatyada güclü zəlzələ: Binalar aşdı, ölən və yaralananlar var – Yeniləndi

Malatyada zəlzələ nəticəsində yaralananların sayı 110 nəfərə çatıb.

Teleqraf.com xəbər verir ki, bunu ölkənin Fövqəladə Halların İdarə Olunması Agentliyinin (AFAD) rəhbəri Yunus Sezer bildirib.

Onun sözlərinə görə, dağıntılar altından 32 nəfər xilas edilib.

***

14:33

Türkiyənin Malatya şəhərinin Yeşilyurd rayonunda bu gün günorta saatlarında baş verən zəlzələ nəticəsində 1 nəfər ölüb, 69 nəfər yaralanıb.

Teleqraf.com xəbər verir ki, bunu ölkənin Fövqəladə Halların İdarə Olunması Agentliyinin (AFAD) rəhbəri Yunus Sezer bildirib.

Onun sözlərinə görə, hadisə yerinə 400-ə yaxın xilasedici cəlb olunub.

Məlumata görə, axtarış-xilasetmə qrupları zəlzələ bölgəsinə helikopterlə daşınıb.

***

14:09

Türkiyənin Malatya əyalətinin Yeşilyurt rayonunda 5,6 maqnitudada zəlzələnin baş verməsi nəticəsində binalar aşıb.

Teleqraf.com Türkiyə KİV-inə istinadən xəbər verir ki, hadisə yerində axtarış-xilasetmə briqadası işləyir.

Məlumata görə, zəlzələnin episentri 6,9 km dərinlikdə yerləşib.

Bildirilib ki, yeraltı təkanlar Kahramanmaraş, Adıyaman, Elazığ və başqa yaxın rayonlarda hiss edilib.

***

13:25

Türkiyənin Malatya şəhərinin Yaşılyurd rayonunda 5.6 bal gücündə zəlzələ olub.

Teleqraf.com xəbər verir ki, bu barədə Fövqəladə Halların İdarəedilməsi Agentliyi (AFAD) məlumat yayıb.