Fransa parlamentinin saytı rusiyapərəst hakerlər tərəfindən dağıdıldı

Fransa parlamentinin aşağı palatası olan Milli Assambleyanın internet saytı bazar ertəsi haker hücumu səbəbindən bir müddət bloklanıb.

Teleqraf.com xəbər verir ki, kiberhücuma görə məsuliyyəti rusiyayönlü “NoName” haker qrupu öz üzərinə götürüb. Hücumun Fransanın Ukraynaya dəstəyinə cavab olduğu bildirilib.

Bir neçə saat ərzində sayta giriş mümkün olmayıb, əsas səhifədə isə saytın təmirdə olduğu yazılıb.

“NoName” Senatın veb saytına hücum etdiyini də iddia edib, lakin hələlik bu hücumun görünən nəticələri qeydə alınmayıb.

Qeyd edək ki, “NoName” Ukraynanı dəstəkləyən ölkələrdə, o cümlədən Qərbi Avropada fəaliyyət göstərən qurumları hədəf alan rusiyayönlü haker qrupudur.