Ukraynada gərginlik: separatçılar hücuma keçdi

Ukraynanın şərqində Donbas separatçıları yenidən fəallaşıb. Bu barədə Antiterror Əməliyyatları Qüvvələrinin İnformasiya Mərkəzinin “Facebook” səhifəsində məlumat verilib.

Teleqraf.com-un məlumatına görə, atəşkəsi intensiv şəkildə pozan separatçılar hökumət qüvvələrini dəfələrlə təxribata çəkməyə səy göstəriblər. Belə ki, sutka ərzində Ukrayna ordusunun mövqeləri 16 dəfə müxtəlif çaplı silahlardan atəşə tutulub.

Separatçıların əsas hədəfi Donetsk aeroportu və ətraf yaşayış məntəqələri olub. Dağıntılara baxmayaraq, hərbçilər və dinc sakinlər arasında xəsarət alan olmayıb.

Nail Cəlil