Rusiya Odessanı vurdu - Ölən və yaralananlar var

Rusiya qoşunları iyulun 23-də Ukraynanın Odessa şəhərinə raket hücumu həyata keçirib. Hücum nəticəsində ölən və yaralananlar var.

Teleqraf.com xəbər verir ki, bu barədə Odessa vilayət hərbi administrasiyasının rəhbəri Oleq Kiper teleqram kanalında məlumat paylaşıb.

Atəş nəticəsində bir mülki şəxsin öldüyü bildirilir.

"Odessada saat 03.00-a olan məlumata görə, 4-ü uşaq olmaqla, 18 zərərçəkən var. 14 nəfər şəhər xəstəxanalarına yerləşdirilib, onlardan üçü uşaqdır", - Oleq Kiper bildirib.

Kiperin sözlərinə görə, zərərçəkənlərin sayı ilə bağlı məlumatlar dəyişə bilər. Təcili yardım briqadaları hadisə yerindədir.