Xarici işlər naziri vəzifəsindən azad edildi - Çin parlamenti

Çin Parlamenti Qin Qanqın xarici işlər naziri vəzifəsindən uzaqlaşdırıldığını elan edib.

Teleqraf.com xarici KİV-ə istinadən xəbər verir ki, onun yerinə 2022-ci ilin dekabrına qədər bu vəzifəni icra edən Vanq Yi təyin edilib.

Qin Qanq iyul ayı boyunca ictimaiyyət qarşısına çıxmayıb. Çin Xarici İşlər Nazirliyi onun harada olması və səhhəti ilə bağlı açıqlama verməyib.

Qərb mətbuatı isə diplomatın guya çinli jurnalistlə nikahdankənar münasibətdə olduğunu və ictimai sahədən məhz buna görə yoxa çıxdığını yazır.