"Adam oğurluğu olmayıb" - Putin

Rusiya Prezidenti Vladimir Putin ukraynalı uşaqların Rusiya tərəfindən oğurlanması barədə xəbərləri "şişirdilmiş hekayə" adlandırıb.

Teleqraf.com xarici KİV-ə istinadla xəbər verir ki, Putin bu barədə mətbuat konfransında deyib.

O, uşaqların qohumlarına qaytarılması ilə bağlı heç bir problem olmadığını bildirib.

"Yaxşı, uşaq oğurluğu ilə bağlı şişirdilmiş hekayəni bilirsiniz. Biz izah edirik ki, adam oğurluğu olmayıb. Müharibə zonasından çıxarılan uşaqları xilas etmək cəhdi və aksiyaları olub. Uşaq evlərini artilleriya zərbələri altında buraxmaq nəyə lazımdır?", - Putin bildirib.