10 Yanvar 2015 22:45
639

Parisin Baş prokurorluğu mətbuatın Kouaçi qardaşlarının şəxsi məlumatlarını paylaşmasının doğru olmadığını bəyan edib.

Bununla bağlı baş prokuror Fransua Molins xüsusi açıqlama verib. O “Charlie Hebdo”, “Montrouge” və market hücumları ilə bağlı operativ məlumatlandırma yığıncağı keçirib.

Prokuror Molins xatırladıb ki, hər üç hadisə ilə əlaqədar 16 şəxs saxlanılıb. Saxlanılanlar arasında Kouaçi qardaşlarının sevgilisi olan 2 xanım da var. Yaranmış vəziyyətlə bağlı indiyədək prokurorluq 100-dən çox şahidin ifadəsini alib.

Prokuror bəyan edib ki, terrorçuları istifadə edib atdıqları üz maskasında qalan DNT izləri əsasında müəyyənləşdirmək və yaxalamaq mümkün olub.

Nail Cəlil


Müəllif: