“Hizbullah”ın daha bir komandiri öldürüldü

Son aylarda İsrailin şimalına PUA hücumlarından məsul olan “Hizbullah” terror təşkilatının komandiri İsrail ordusunun Livanın cənubuna endirdiyi zərbə nəticəsində ölüb.

Teleqraf.com xəbər verir ki, bu barədə “The Times of Israel” məlumat yayıb.

“Hizbullah”ın Livanın cənubundakı hərbi aviasiyasının komandanı Əli Hüseyn Bərci dünən öldürülən terror təşkilatının digər komandiri Vissam əl-Tavilin dəfn mərasimindən bir neçə dəqiqə əvvəl Kirbet Selm qəsəbəsində avtomobilində vurulub.

İsrail ordusu məsələ ilə bağlı rəsmi açıqlama verməyib.