Putinə qarşı qisas əməliyyatı başladı - Savaşa onlar da girirlər

Ukrayna Prezidenti Vladimir Zelenski müharibənin gedişatını dəyişmək və ölkə daxilində siyasi mövqelərini qorumaq üçün böyük riskə əl atır. Xüsusilə, söhbət Rusiya obyektlərinə daha aqressiv zərbələrdən gedir.

Teleqraf.com xəbər verir ki, bu barədə “Time” yazır.

Nəşr bildirir ki, Rusiya iqtisadiyyatını hərbi relsə qoyduğu bir vaxtda Ukrayna yüz minlərlə insanı səfərbər etmək zərurəti və müttəfiqlərin köməyi ilə bağlı problemlərlə üzləşib. Ukraynanın işğal olunmuş ərazilərini qaytarıb-qaytara bilməyəcəyi mövzusu ABŞ-də də fikir ayrılığına səbəb olub.

“Time” hesab edir ki, Ukrayna daha 500 min hərbçini səfərbər edə bilsə belə, bu ona müharibədə kömək etməyəcək. Buna görə də Kiyev öz müdafiə, xüsusən də Rusiyadakı hədəfləri vura bilən dron istehsalını genişləndirməyə çalışır. Bu fonda Krım və Rusiyanın hərbi-iqtisadi infrastrukturuna tez-tez PUA və raket hücumları artıb. Nəşr iddia edir ki, Qara dənizdəki neft və taxıl obyektləri, eləcə də Krım körpüsü hücuma məruz qala bilər.

“Bu hücumlar Putindən qisas almaq riskini daşıyır ki, bu da NATO-nun münaqişəyə birbaşa cəlb olunmasına gətirib çıxaracaq. Nə Rusiya, nə də NATO belə bir genişlənməni istəyir, amma müharibələr öz-özlərinə başqa formalara ala bilir, xüsusən də əsas oyunçulardan biri - Zelenski gözlənilməz oyunçuya çevrilirsə”, - nəşr vurğulayır.