Putin ilk dəfə danışdı: “Ondan soruşdum ki...”

Rusiya Prezidenti Vladimir Putin amerikalı jurnalist Taker Karlsona müsahibəsində ilk dəfə ukraynalı həmkarı Vladimir Zelenski ilə görüşündən danışıb.

Teleqraf.com xəbər verir ki, Putin Zelenskidən babasının İkinci Dünya Müharibəsində faşist Almaniyasına qarşı vuruşmasına baxmayaraq, niyə neonasistləri dəstəklədiyini soruşub.

Rusiya lideri Ukrayna prezidentinin cavabını yanlış hesab etdiyi üçün bunu açıqlamadan imtina edib.

“Soruşdum ki, Volodya, nə edirsən? Babanız faşizmlə vuruşduğu halda, niyə bu gün Ukraynada neonasistləri dəstəkləyirsiniz? O, ön cəbhədə əsgər idi”, - Putin bildirib.

Rusiya prezidenti əlavə edib ki, Zelenski hakimiyyətə gələndə iki şeyi dərk edib:

“Birincisi, aqressiv neonasistlər və millətçilərlə mübahisə etməmək daha yaxşıdır. İkincisi, ABŞ başda olmaqla Qərb dövlətləri Rusiya Federasiyasına qarşı çıxan hər kəsi dəstəkləyəcək”.

Putin yəhudi kökənli Zelenskinin neonasistləri dəstəkləməsindən təəccübləndiyini vurğulayıb.