ABŞ-nin Demokratlar və Respublikaçılar partiyasından prezidentliyə namizədlər Kamala Harris və Donald Tramp oktyabrda teledebatların ikinci raundunun keçirilməsi ilə bağlı razılığa gəliblər.
Teleqraf.com xarici mətbuata istinadən xəbər verir ki, bu barədə prezidentliyə namizəd Kamala Harrisin kampaniyasının kommunikasiya direktoru Maykl Tayler açıqlamasında bildirilib.
“Donald Trampın kampaniyası üç debat keçirmək təklifimizi qəbul etdi - iki raund prezidentliyə namizədlərlə, biri isə vitse-prezidentliyə namizədlərlə”, - Tayle qeyd edib.