İsrail ordusu daha bir HƏMAS komandirini öldürdü

İsrail Müdafiə Qüvvələri HƏMAS-ın Nuxba Qüvvələrinin komandirini dünən Qəzza zolağına endirdiyi hava hücumunda zərərsizləşdirib.

Teleqraf.com xəbər verir ki, HƏMAS-ın Bureyc batalyonunda Nuxba komandiri kimi xidmət etmiş Məhəmməd Əbu Attavi 2022-ci ilin iyul ayından BMT-nin Yaxın Şərqdə Fələstinli Qaçqınlara Yardım və İşlər üzrə Agentliyində (UNRWA) işləyib.

Əbu Attavinin ötən ilin oktyabr ayının 7-də İsraildə mülki şəxslərin qətlində və oğurlanmasında iştirak etdiyi bildirilir.