Kobaxidze: "Heç kəs 72 yaşlı xanımı həbs etmək istəməz"

“Özünü prezident adlandıran bu xanımın ağır emosional fonu var və buna görə də artıq “qırmızı xətlər”i saxlaya bilmir”.

Teleqraf.com xəbər verir ki, bunu Gürcüstanın baş naziri İrakli Kobaxidze prezident Salome Zurabişvili haqqında deyib.

Onun sözlərinə görə, dövlət başçısının Konstitusiya Məhkəməsinin hakimlərinə qarşı təzyiqə çağırması birbaşa cinayətdir.

“Bu insan sadəcə bilir ki, heç kəs 72 yaşlı xanımı həbs etmək istəməz. Buna görə də “qırmızı xətlər”i aşır”, - İ.Kobaxidze söyləyib.

Qeyd edək ki, S.Zurabişvili ötən gün Batumidə etirazçıları Konstitusiya Məhkəməsinə təzyiq etməyə çağırıb.