Yol polisinə amansız hücum: 1 ölü, 1 yaralı - VİDEO, FOTO

Rusiyada yol polisi müfəttişliyinin əməkdaşları sərxoş sürücünün amansız hücumuna məruz qalıb.

ANS PRESS-in məlumatına görə, hücüm nəticəsində polislərdən biri ölüb digəri ağır yaralanıb. Sərxoş sürücünün böyük bıçağla polislərə hücümü patrul maşınında olan müşahidə kamerasına düşüb.

Hadisə Altayda Xarlove kəndində baş verib. İnspektorlar sənədlərin yoxlanılması üçün VAZ-2106 avtomobilini saxlayıb. Sürücünün sərxoş və silahlı olduğunu polislər ehtimal etməyib.

Sürücünü patrul maşınına dəvət etdikdən sonra o qanun keşikçilərinə hücum edib.

Hücum nəticəsində yol polisi 33 yaşlı Aleksandr Lyamkin həlak olub. Onun partnyoru Roman Polnikovun həyatı üçün həkimlər mübarizə aparırlar.

Hadisəni törədən sürücü həbs edilib.