Həbsxanada toqquşma:14 nəfər ölüb

Salvadorun paytaxtı San-Salvador həbsxanalarından birində “Barrio 18” cinayətkar birliyinin fraksiyaları arasında baş verən münaqişə nəticəsində 14 nəfər ölüb.

APA-nın məlumatına görə, “La Jornada” nəşri xəbər verir ki, insidentdə “Cənub” və “İnqilabçılar” fraksiyaları iştirak edib.

Hüquq-mühafizə orqanlarından verilən məlumata görə, ölənlərin meyitləri zibil konteynerlərində aşkarlanıb. Təhqiqata başlanılıb.

Həbsxanaların Baş Direktorluğunun rəhbərliyi ehtimal edir ki, zorakılığa cinayətkarların öz sıralarını təmizləməsi istəyi səbəb olub.

“Barrio 18” “Mara Salvatruça” ilə birlikdə Salvadorda ən təhlükəli banda hesab olunur.