Erməni politoloqu: “Təsadüfi deyil ki, güzəşt tərəfdarı olan Petrosyan...”

Ermənistanın tanınmış politoloqu Vigen Akopyan bu gun keçirdiyi mətbuat konfransında sabiq prezidentlərin aktivləşməsinə münasibət bildirib.

Teleqraf.com erməni mənbələrinə istinadla xəbər verir ki, politoloq Levon-Ter Petrosyanın yenidən fəal oyunçuya çevrilməsini təsadüfi saymayıb: “O, vaxtilə geniş kompromisə getmək qabiliyyəti ilə tanınıb, ancaq bu hərəkətləri məğlubiyyət kimi qəbul olunub və 1998-ci ildə saray çevrilişi baş verib”.

Erməni politoloq sabiq xarici işlər naziri Vardan Oskanyanın partiya yaratmasını isə Robert Köçəryanla əlaqələndirib: “Ermənistanın ikinci prezidenti Robert Köçəryan da sakit oturmayıb. Baxmayaraq ki, özü gözə dəymir, ancaq ona məxsus siyasi informasiya resursları fəaldır. İkinci prezidentin də prosesə qoşulacağı istisna deyil”.

Vigen Akopyan hazırkı dönəmdə Ermənistanda hakimiyyət dəyişikliyini mümkün sayıb.

Mahir