Ermənistan hərbi polisi: Döyüşçülər silahlarını təhvil vermir

Ermənistanda 27 sentyabrda Dağlıq Qarabağda başlayan döyüş əməliyyatları ilə əlaqədar elan edilmiş hərbi vəziyyət şərtləri daxilində bir çox vətəndaş müəyyən olunmuş qaydada silah və sursat alıb cəbhəyə gedib.

Teleqraf.com xəbər verir ki, ölkənin Müdafiə Nazirliyinin hərbi polisi Ermənistan, Azərbaycan və Rusiya arasında üçtərəfli bəyannamə əsasında elan edilən atəşkəsdən sonra çoxlarının aldıqları silahları təslim etmədiyini bildirib.

"Müdafiə Nazirliyinin Hərbi Polisi xidmətə çağırılan vətəndaşları müharibə zamanı əldə etdiyi silah və sursatları könüllü olaraq təhvil verməyə yenidən çağırır".