44 günlük müharibə 100 min ermənini zəlil etdi - "Hayastan" Fondu sirləri açdı

44 günlük müharibənin Ermənistana mənfi təsiri ilə bağlı ümumi rəqəmləri demək çox çətindir. Çünki erməni hökumətinin özü də belə tip informasiyaları qapalı saxlamağa üstünlük verir.

Teleqraf.com qeyd edir ki, ümum erməni “Hayastan” fondunun ABŞ-da “Birlik, Güc, İnam” şüarı altında keçirdiyi telemarafon müharibənin Ermənistan vətəndaşlarına necə təsir etdiyinin əhatə dairəsini müəyyənləşdirmək baxımından bəzi ipucları verib.

"Hayastan" fondunun mətbuat xidməti telemarafonla bağlı bildirib ki, bu tədbir ənənəvi olaraq 12 saat deyil, 4 saat davam edib, ABŞ-dakı erməni həmrəyliyi nəticəsində fonda ianə kimi 22 milyon dollardan çox pul toplanıb.

Fondun rəsmisi Mariya Meqranyan deyib ki, toplanan ianələr əsasən ərazilər təhvil verildikdən sonra Qarabağdan qayıdan ermənilərə, öldürülən erməni hərbi qulluqçularının ailələrinə dəstək verməyə yönəldiləcək: “Məqsəd təqribən 100 min insana maddi dəstək verməkdir”.

Göründüyü kimi, diaspor rəsmisinin dediyindən aydın olur ki, 44 günlük müharibədən Ermənistanda təxminən 100 min insan təsirlənib.

Azərbaycanın əlində olan operativ informasiyalara görə, işğal olunan Azərbaycan ərazilərində 65 mindən artıq erməni yaşamayıb. Deməli, müharibədən təsirlənənlər arasında azı 25-30 min erməni əsgəri də var.