12 İyun 17:41
1 438

Ermənistanın hakim Mülki Müqavilə Partiyasının funksioneri Vaaqn Hovakimyan İrəvan meriyasına müaciət edərək iyunun 21,22,23 və 24-də saat 10:00-dan, 22:00-a qədər Respublika meydanında mitinq keçirəcəklərini bildirib.

Teleqraf.com erməni mediasına istinadən bildirir ki, meriyaya müraciətində Mülki Müqavilə Partiyası mitinqdə 200 min insanın iştirak edəcəyini bildirib.

İrəvan meriyasının rəsmi saytında da bu barədə məlumat yayılıb.

“Ermənistan” blokunun nümayəndəsi Aram Vardevanyan da iyunun 20-dən 23-nə qədər Respublika meydanında mitinq keçirməklə bağlı meriyaya müraciət edib. Bu müraciətdə aksiyada 25 min insanın iştirak edəcəyi göstərilib.

Ancaq meriya “Ermənistan” blokuna Respublika meydanında aksiya keçirməyə icazə verməyib, onlara başqa ünvanlar təklif edilib. Köçəryanın bloku bu təklifləri qəbul etməyib.


Müəllif: Cavad