Seyran Ohanyan həbs oluna bilər

Ermənistan parlamentinin spikeri Alen Simonyan “Hayastan” müxalifət fraksiyasının üç deputatının, o cümlədən Ermənistanın sabiq müdafiə naziri Seyran Ohanyanın həbsini istisna etməyib.

Teleqraf.com xəbər verir ki, belə bir ssenarinin olma ehtimalı ilə bağlı sualı cavablandıran Simonyan vurğulayıb ki, onun heç bir rəsmi məlumatı yoxdur.

Eyni zamanda siyasətçi bu ehtimalı da etiraf edib:

“İstisna etmirəm ki, vaxtilə qanunla problem yaşayan və parlament mandatının onları qoruya biləcəyinə inanan insanlar indi bunun əksinə əmin olacaqlar”.