Ermənistandan Türkiyə qərarı: “Bitdi, hazırıq”

Ermənistan-Türkiyə sərhədində yerləşən Marqara keçid məntəqəsi fəaliyyətə hazırdır.

Teleqraf.com xəbər verir ki, bu barədə yerli mətbuata Ermənistan Xarici İşlər Nazirliyindən bildirilib.

“Marqara sərhəd-keçid məntəqəsi istismara hazırdır. Ermənistan tərəfi üçüncü ölkə vətəndaşları və diplomatik pasport sahibləri üçün sərhədin açılması ilə əlaqədar Türkiyə tərəfdən daha müsbət siqnallar alacağını gözləyir”, - nazirlikdən deyilib.

Ermənistanın Dövlət Gəlirləri Komitəsinin sədri Rustam Badasyan noyabrda yeni keçid məntəqəsinin tikintisinin bitmək üzrə olduğunu açıqlamışdı.