“Slovakiya Azərbaycana silah satır” – İrəvandan absurd iddia

Keçən ildən Slovakiya Azərbaycana silah satır.

Teleqraf.com xəbər verir ki, bunu Ermənistan Xarici İşlər Nazirliyinin mətbuat katibi Tiqran Balayan deyib.

Balayan məsələnin araşdırılması üçün Ermənistanın Slovakiyadakı səfirinə təlimat verildiyini bildirib.

O, hazırda araşdırmaların davam etdiyini də diqqətə çatdırıb. Balayanın sözlərinə görə, aparılan araşdırmanın əsas istiqaməti Slovakiya və Azərbaycan arasında silah satışına dair əldə edilmiş anlaşmanın şərtləri ilə bağlıdır:

“Bizi maraqlandıran budur ki, Slovakiya silahı hansı şərtlər daxilində satır. Bu, alınan silahların başqa bir dövlətə qarşı istifadə edilib-edilməyəcəyi ilə bağlıdır”.