Paytaxt yollarında bütün svetoforların fəaliyyəti bərpa edilib - BNA

“Gecə saatlarından həyata keçirilən təcili və təxirəsalınmaz tədbirlər nəticəsində paytaxt yollarında bütün svetoforların fəaliyyəti bərpa edilib”.

Bunu Teleqraf.com-a Bakı Nəqliyyat Agentlyinin (BNA) mətbuat katibi Mais Ağayev deyib.

Onun sözlərinə görə, yarana biləcək hər hansı bir texniki nasazlığın dərhal aradan qaldırılması məqsədilə Agentliyin şəhər ərazisində texniki personaldan ibarət mobil qrupları fəaliyyət göstərir.

Qeyd edək ki, hazırda şəhər yollarında nəqliyyat vasitələrinin hərəkətində hər hansı bir çətinlik müşahidə olunmur.