DGK-da bəzi şöbə və idarələr birləşdirildi - Rəsmi açıqlama

"Dövlət Gömrük Komitəsinin (DGK) indiyə qədər fəaliyyət göstərdiyi struktur ötən əsrin 90-cı illərindən qalmışdı. Komitənin şöbələr və idarələri arasında bir-birinin funksiyalarını təkrar edənlər var idi. Bunu nəzərə alaraq onların bəziləri birləşdirilib".

Bunu "Gömrük orqanlarında aparılan islahatlar və nəticələr" mövzusunda keçirilən mətbuat konfransında Komitənin sədri Səfər Mehdiyev deyib.

Onun sözlərinə görə, son aylar aparılan struktur islahatları gömrük işinin keyfiyyətinin artmasına səbəb olub: "Məsələn, əvvəllər "Sınıq Körpü" gömrük-keçid məntəqəsindən gün ərzində 6 min insan keçirdisə, bu yay bu rəqəm 17 minə qalxıb. Hava Nəqliyyatında Baş Gömrük İdarəsi isə hər ay gömrük-keçid məntəqələrində 1,5 mln. sərnişinə xidmət edir. Bu isə rekord göstəricidir".