Ermənistan hökumətində parçalanma - Nazirlər geri çağırıldı

Ermənistanın “Daşnaksütun” partiyasının ali orqanı bildirib ki, yaranmış xarici siyasi vəziyyət və “yaranmış ayırıcı xətlər”lə bağlı öz nazirlərini ölkə hökumətindən geri çağırır.

Teleqraf.com Ermənistan KİV-lərinə istinadən xəbər verir ki, hazırda Ermənistan hökumətində “Daşnaksütun”a iki portfel məxsusdur.

Qeyd edək ki, bu gün axşam Yerevanda etirazçılar Ermənistan parlamentinin binasını mühasirəyə alıblar. Aksiya iştirakçıları parlamentin reqlamentinə qanunvericilik orqanının buraxılmasını əngəlləyən dəyişikliklərə etiraz edirlər. Aksiyaya Ermənistan baş naziri Nikol Paşinyan da qoşulub.