İçərişəhərdəki partlayışla bağlı - “Azəriqaz”dan açıqlama

Bakı şəhəri, Səbail rayonu ərazisində, İçərişəhərdə baş verən partlayışla bağlı "Azəriqaz" İstehsalat Birliyinin mütəxəssisləri də həmin məkana baxış keçirib.

Teleqraf.com-a daxil olan məlumatda bildirilir ki, ilkin qənaətə görə, hadisəyə mənzildaxili qaz sızması səbəb olub. Həmin yerin yaxınlığından keçən yeraltı qaz xətti də ciddi şəkildə yoxlanılıb.

Nəticə etibarı ilə bu kəmərdə hər hansı qaz sızması aşkarlanmayıb.